Ya Nabi Dekha Ye Jalwa Aapki Naalein

Ya nabi dekha ye jalwa aapki naalein ka
Arsh ne chooma hai talwa aap ki naalein ka

Aapki khidmat ka mujhko kash mil jaata sharaf
Bandhta haathon se tasma aapki naalein ka

Aapke qadmon ki narmi qalb par mehsoos ki
Jab bhi mein ne naqsh dekha aapki naalein ka

Hashr mein jab log choomay aap ka dust-e-karam
Sab say chup kar loon mein bosa aapki naalein ka

Dast bosi ke to mai bhala kabil kahan
Dijye bas mujh ko bosa aapki naalein ka

Roz-e-mehshar sar pe suraj jab sawa nezay pe ho
Aik nezay per ho saaya aapki naalein ka

Jiss se aagay jaayein tou jal jaye par jibril ke
Uss se aagay jaana dekha aapki naalein ka

Taaj kyun na bheek maangay aapki naalein ki
Taajwar khaatay hain sadqa aapki naalein ka

Mujrim-o-nakara garche aap ka rizwan hai
Dil se phir bhi hai ye shayda aapki naalein ka

ना'त-ख़्वाँ:- Hafiz Aehmad Raza Qadri