Sher
Arsh se noor Chala
Aur haram tak pahuncha
Silsila mere goonah ka karam tak pahuncha
Teri meraj ke tu jane kaha tak pahuncha
Meri meraj ke me tere kadam tak pahuncha
Noori Mehfil Pe Chadar Tani Noor Ki Naat Lyrics
Noori mehfil pe chadar tani noor ki,
Noor phela huwa aaj ki raat hai.
Chandni mein hain doobe huwe do jahan,
Kon jalwa numa aaj ki raat hai.
Farsh par dhoom hai, arsh par dhoom hai
Bad nasibi hai uski jo mehroom hai,
Phir milegi yeh shab kisko maloom hai
Aam lutfe khuda aaj ki raat hai.
Noori mehfil pe chadar tani noor ki...
Abre rehmat hai mehfil pe chaye huwey
Aasman say malaaik hain aaye huwey
Khud muhammad hain tashreef laye huwey
Kis kadar jaan fiza aaj ki raat hai.
Noori mehfil pe chadar tani noor ki...
Khoob hone do ashkoon ki barsaat ko
Do salami muhammad ki baarat ko
Choom lo chum lo aaj ki raat ko
Shab qadar ke gumaan aaj ki raat hai.
Noori mehfil pe chadar tani noor ki...
Manglo mang lo chashme tar mang lo
Dard e dil aur husn e nazar manglo
Kamli wale ki nagri mein ghar manglo
Maangne ka maza aaj ki raat hai.
Noori mehfil pe chadar tani noor ki...
Momeeno aaj ganj e sakha lut lo
Lutlo aye marizo shifa loot lo
Aasiyo rehmat e mustafa loot lo
Baabe rehmat khula aaj ki raat hai.
Noori mehfil pe chadar tani noor ki...
Waqt laaye khuda sab madine chalein
Lutne rehmato ke khazine chalein
Sab ki manzil ki janib safine chalein
Meri "sa’aim" dua aaj ki raat hai
Noori mehfil pe chadar tani noor ki...