Mai Sajda Karu Ya Ke Dil Ko Sambhalu Naat Lyrics

Mai sajda karu ya ke dil ko sambhalu
Ke aaqa ki chaukhat nazar aa rahi hai
Isi bekhudi me kahi kho na jau
Tadap noor wale ki tadpa rahi hai

Do aalam ke daata mere samne hai
Ke kaabe ka kaaba mere samne hai
Ada kyu na farz e mohabbat karu mai
Khuda ki khudayi jhuki ja rahi hai

Mai sajda karu ya ke dil ko sambhalu...

Gale me hai zulfe toh neechi nigaahe
Nazar choomti hai madine ki rahe
Farishte bhi badhar qadam choomte hai
Muhammad ki jogan chali aa rahi hai

Mai sajda karu ya ke dil ko sambhalu...

Faqeeri ka mujh me nahi hai saliqa
Na aata hai kuch mangne ka tariqa
Idhar bhi nigaahe karam noor wale
Zamane ki jholi bhari ja rahi hai

Mai sajda karu ya ke dil ko sambhalu...

Farishto Sarr e raah ankhe bicha do
Utho Behre Tazeem sar ko jJhuka do
Khuda keh raha hai mere dilruba ki
Woh dekho sawari chali aa rahi hai

Mai sajda karu ya ke dil ko sambhalu...

Yeh farmaya haq ne ke pyare muhammad
Hamare ho tum hum tumhare muhammad
Hame apne jalwo me aye kamli Wale
Tumhari hi soorat nazar aa rahi hai

Mai sajda karu ya ke dil ko sambhalu...

Yeh jazba mohabbat hai rehmat khuda ki
Hai chaukhat mere samne mustafa ki
Mujhe kyu na ho naaz qismat pe muslim
Muhabbat kaha ki kaha la rahi hai

Mai sajda karu ya ke dil ko sambhalu...