Kya mahakte hai mehak ne wale
Boo pe chalte hain bhatakne wale
Jagmaga uthi meri gor ki khak
Tere qurban chamakne wale
Mahe beaag ke sadqe jaun
Yun damakte hain damakne wale
Arsh tak phaili hai tab e aariz
Kya jhalakte hain jhalakne wale
Gul e taiba ki sana gate hain
Nakhl e tooba pe chahekne wale
Aasiyo thaam lo daman un ka
Wo nahin hath jhatakne wale
Abr e rehmat ke salami rehna
Phalte hain paude lachakne wale
Arey ye jalwa gahe janan hain
Kuch adab bhi hain phadakne wale
Sunniyo un se madad mange jao
Pade bakte rehte hain bakne wale
Shame yaad e rukh e janan na bujhe
Khaaq ho jaye bhadakne wale
Maut kehti hai ke jalwa hai qareeb
Ek zara so lein bilakne wale
Hum bhi khumhlane se gafil the kabhi
Kya hansa gunche chatakne wale
Nakhl se chhutke ye kya hal huwa
Aah o patte khadakne wale
Jab gire munh sooye maikhana tha
Hosh mein hai ye behekne wale
Dekh o zakhm e dil aape ko sambhal
Phoot behte hain tapakne wale
Mae kahan aur kahan main zahid
Yun bhi to chhakte hai chhakne wale
Kaf e dariya e jaram mein hai raza
Panch fawware chhalakne wale