Hara Gumbad Jo Dekhoge Zamana Bhool Jaoge Naat Lyrics

Hara gumbad jo dekhoge zamana bhool jaoge
Agar taiba ko jaoge to aana bhool jaoge

Na itra o ziada chand taro apni rangat par
Mere aaqa ko dekhoge chamak na bhool jaoge

Hara gumbad jo dekhoge zamana bhool jaoge....

Agar tum jaanlo ek hafiz-e-quran ki azmat
Tum apnay bachao ko english padhna bhool jaoge

Hara gumbad jo dekhoge zamana bhool jaoge....

Hadees-e-mustafa par tum jo ho jao amal paira
Qasam allah ki maa ko satana bhool jaoge

Hara gumbad jo dekhoge zamana bhool jaoge....

Agar tum jaanlo ishq e sahaba ki haqeeqat ko
Toh apne jaisa aqa ko samjhna bhool jaoge

Hara gumbad jo dekhoge zamana bhool jaoge....

Agar tum gor se mere nabi ki naat sunloge
Mera dawa hai tum gaana bajana bhool jaoge

Hara gumbad jo dekhoge zamana bhool jaoge....

Tumhare samne hoga kabhi jab gumbad-e-khazra
Nazar jam jaige usper hatana bhool jaoge

Hara gumbad jo dekhoge zamana bhool jaoge....