Ham To Tanhai Me Bhi Mehve Sukhan Rehte Hai Lyrics

Ham to tanhai me bhi mehve sukhan rehte hai
Yade sarkar me har waqt magan rehte hai

Ham husaini hai hame chhedo na duniya walo
Sar pe bandhe huwe har waqt kafan rehte hai
Yade sarkar me har waqt magan rehte hai..

Uska dil lagata hai jaise ho riyazul jannat
Dil me jis shaksh ke bhi shahe zaman rehte hai
Yade sarkar me har waqt magan rehte hai..

Ye jo sanso se mere mushk ki boo aati hai
Bage dil me teri yado ke hiran rehte hai
Yade sarkar me har waqt magan rehte hai..

Bas isi waste jannat ki talab he mujko
Kyu ke jannat me husain aur hasan rehte hai
Yade sarkar me har waqt magan rehte hai..

Aye bayariya kabhi mujko bhi uda kar le chal
Wo jahan bibi khadija ke sajan rehte hai
Yade sarkar me har waqt magan rehte hai..

Ye to aaqa ke pasine ka hai aejaz "shajar"
Tar jo khushbu o se har ek chaman rehte hai
Yade sarkar me har waqt magan rehte hai..