Hajiyo Aao Shahenshah Ka Roza Hamd Lyrics

Hajiyo aao shahenshah ka roza dekho
Kaba to dekh chuke Kabe ka Kaba dekho

Rukn e shami se miti wahshat shame ghurbat
Ab madine ko chalo subhe dil aaraa dekho
Hajiyo aao shahenshah ka roza.....

Aabe zam-zam to piyaa khub bujha-e piyase
Aao jude shahe kowsar ka bi darya dekho
Hajiyo aao shahenshah ka roza.....

Zayre mizaab mile khoob karamke cheente
Abre rahmat ka yaha zowr barasnaa dekho
Hajiyo aao shahenshah ka roza.....

Dhum dekhi hai dare kaba pe betaabo ki
unke mushtako me hasrat ka tadapna dekho
Hajiyo aao shahenshah ka roza.....

misle parwana phiri karte the jis sham’a ke gird
apni us sham’a ko parwana yaha ka dekho
Hajiyo aao shahenshah ka roza.....

Khub ankho se lagaya he gilaafe Kaba
Qasre mahbub ke parde ka bhi jalwa dekho
Hajiyo aao shahenshah ka roza.....

Wan mutiyo ka jigar khauf se pani paya
yan siyahkaro ka daman pe machalna dekho
Hajiyo aao shahenshah ka roza.....

Awwali khana e haq ki to ziyaye dekhi
aakhri bait e nabi ka bhi tajalla dekho
Hajiyo aao shahenshah ka roza.....

aymane tur ka tha rukne yamani me farog
shola e tur yaha anjuman-ara dekho
Hajiyo aao shahenshah ka roza.....

mehre madar ka maza deti hai aagosh e hateem
jin pe maa bap fida yan karam unka dekho
Hajiyo aao shahenshah ka roza.....

Arz e haajat me raha kaaba kafeel e injaah
Aao ab dad-rasi e shahe taibah dekho
Hajiyo aao shahenshah ka roza.....

Dho chuka zulmate dil bosa-e sange aswad
Khaak bosi-e-madina ka bhi rutba dekho
Hajiyo aao shahenshah ka roza.....

Kar chuki rif’ate kaba pe nazar par-vaze
topi ab tham ke khak e dar e wala dekho
Hajiyo aao shahenshah ka roza.....

be-niyazi se waha kapti payi ta’at
joshe rehmat pe yaha naz gunah ka dekho
Hajiyo aao shahenshah ka roza.....

Juma e makkah tha ird ahle ibadat ke liye
Mujrimo! aao yaha ird e doshamba dekho
Hajiyo aao shahenshah ka roza.....

Multazim se to gale lag ke nikale armaan
adab o shauq ka yaha baham ulajhna dekho
Hajiyo aao shahenshah ka roza.....

Khoob mas’a me b-ummide safa daud liye
rahe janan ki safaka bhi tamasha dekho
Hajiyo aao shahenshah ka roza.....

Raqs e bismil ki bahare to mina me dekhi
Dil e khu-naba fisha ka bhi tadapna dekho
Hajiyo aao shahenshah ka roza.....

Zinate kaba me tha lakh arooso ka banaw
Jalwa farma yaha konain ka doolha dekho
Hajiyo aao shahenshah ka roza.....

Gaur se sun to raza kaaba se aati hai sada
Meri ankhon se mere piyare ka roza dekho
Hajiyo aao shahenshah ka roza.....