Hai teri inaayaat ka dera mere ghar me Lyrics

Hai teri inaayaat ka dera mere ghar me
Sab tera hai kuchh bhi nahi mera mere ghar me

Hai teri inaayaat ka dera mere ghar me

Jaaga teri nisbat se shab e gham ka muqaddar
Aaya tere aane se sawera mere ghar me

Hai teri inaayaat ka dera mere ghar me

Andaaz mere ghar ke to kuchh aur hi honge
Jis roz qadam aaega tera mere ghar me

Hai teri inaayaat ka dera mere ghar me

muddat se mere dil me hai armaan e ziyaarat
Ho jaa e karam ka koi phera mere ghar me

Hai teri inaayaat ka dera mere ghar me

darwaaze pe likkha hai tera ism e giraami
Aata nahi bhoole se andhera mere ghar me

Hai teri inaayaat ka dera mere ghar me

Midhat ne teri mujh ko ye e'zaaz diya hai
Hai saare ujaalo ka basera mere ghar me

Hai teri inaayaat ka dera mere ghar me

Khalid ko tere naam se tauqeer mili hai
Jo kuchh hai ye ehsaan hai tera mere ghar me

Hai teri inaayaat ka dera mere ghar me