Barwein Ka Chand Aaya Naat Lyrics

Bacha bacha muskuraya barwein ka Chand aaya
Khushiyon ka toofan laya barwein ka chand aaya

barwein ka chand aaya...

Shadmani ke taranay goonj tay hai deher mein
Wajd mein har shakhs aaya barwein Ka Chand Aaya

barwein ka chand aaya...

Roshni hi roshni hai chandni hi chandni
Zarra zarra jagmagaya barwein ka chand aaya

barwein ka chand aaya...

Ho gaye hain band saray zulmaton ke bab aaj
Deher mein woh noor aaya barwein ka chand aaya

barwein ka chand aaya...

Khil uthein kaliyan muhabbat ki gulon par hai nikhar
Baagh-e-ulfat lehlahaya barwein ka chand aaya

barwein ka chand aaya...

Saaz-e-jaan par baj raha hai ek nagma bar bar
Aamina ka lal aaya barwein ka chand aaya

barwein ka chand aaya...

Shukar karte hi raho rab ka ujagar subho shaam
Rab ka kaisa fazal paya barwein ka chand aaya

barwein ka chand aaya...