Apne darbaar ka deedaar karaa e aaqa
Mujh gunahgaar ko tayba me bulaae aaqa
Aap mushkil me gunahgaar ke kaam aate hai
Aa e aa e meri imdaad ko aa e aaqa
Sab ye kehte hai musalmaan bahut peechhe hai
Apni thokar se hame aage ba dhaa e aaqa
Aap ko chhod ke koi bhi nahi hai apna
Apne haalaat kaha jaa ke sunaa e aaqa
Garmi-e-hashr me taskeen ki saanse lega
Apne daaman se jise denge hawaa e aaqa
Rab ne paida kiya mujh ko bhi usi ummat me
Haath utha kar jise dete hai dua e aaqa
Aap ki fatima zahra ka karam hai warna
Sar pe baaqi nahi rehti ye ridaa e aaqa
Aap ke asgar-e-maasoom-sifat ke sadqe
bakhsh di jaati hai mujrim ki khataae aaqa