Wo Mera Ali Hai Manaqabat e Mola Ali Lyrics

Jo shere khuda shane nabi shahe wali he
Wo mera ali mera ali mera ali he..

Duniya e wilayat ki jise shahi mili he
Jiske dare aali pe jabi sab ki juki he
Wo jiski sahaba me bahot shan badi he
Wo mera ali mera ali mera ali he..

Jo mufliso lachar ko deta he sahara
Chamakta hai jo sabke muqaddar ka sitara
Har Ek bala jis ke wasile se tali he
Wo mera ali mera ali mera ali he..

Wo jis ke liye shah ne suraj ko firaya
Wo jis ne diya Ishqe Muhammad ka jalaya
Wo jis ki sana khud mere sarkar me ki he
Wo mera ali mera ali mera ali he..

Har ek taraf jiski wilayat ka he charcha
Abdalo wali Gosho qutub jis ke he sheda
Wo jis ke dare pak pe rifat bhi juki he
Wo mera ali mera ali mera ali he..

Ek aan me darwaza e khaibar ko ukhada
Ek war me hi jisne marhab ko pachhada
Jis zat ki konain mein Ek dhoom machi he
Wo mera ali mera ali mera ali he..

Ummat ka nigehban jise rab ne banaya
Sarkar ne bistar pe jise apne sulaya
Jis zat ka quran me zikre jali he
Wo mera ali mera ali mera ali he..

Jo pal ke fakiro ko banata hai shahenshah
Jannat ki tarha "saif" jis ki he darga
Hasnain ka baba hai jo damade nabi he
Wo mera ali mera ali mera ali he..